Willakkunapak Hayñikuna

44 niki: Willanakuypi llankakkunapak llankay hayñikuna

Seguridad laboral

Willanakuypi llankakukaka kay hayñikunatami charin:

  1. Willanakuy llankaymanta llakichinkapak munakpika tukuylla kamaytami charin;
  2. Paykunapakk llankaymanta, tukuylla kamayta, shuktak llankay hayñikunatapashmi charin, shinallatak kullkimillkapi pushak churashka kullkitapash hapiy ushanmi;
  3. Llankachikkunaka, kitipi, mana kashpaka shuktak llaktakunapipash sumakta willanakuy llankayta rurachun, tiyak kullkita, tiyak pakchiyachaytapash, tiyakkunatapash kunami kan;
  4. Paykunapak willanakuy llankayta ruray ushachun, willay maskaykunata rurankapak tiyakkunata, tankaytapash charina kan;
  5. Llankay wiñaytapash, pakchiyachaytapash charinami kan; chaypakka, tukuykunapak ukukuna, shukllapa ukukunapash, willlay ukukunapash yanapanami kan; shinallatak,
  6. Ecuador mamallaktapak mamakamachiypi, kamachiypipash killkashka shuktak hayñikunatapash

42 niki: Willanakuypak kacharishka ruray

Profesionalización

Tukuy runakunaka, Ecuador mamallaktapak mamakamachiypi, kay kamachiypipash killkashka willay hayñikunata chaskiy ushanmi, maykan willay ukukunapak yanapaywan.

Willay ukukunapi rurashka punchan punchan willay llankaykunaka willakkunami runana kan, shinapash yuyari ruraykatichiykunata charik, shuktay ruraykatichikkuna charikkunapash shuktak yachachishka runakuna ruray ushanmi.

Shinallatak shuktak runa shimikunapi ruraykatichikkunata rurak llankakkunaka, hawapi nishkapi mana yaykunchu.

Mamallaktapak ukukunapi willay llankaypi llankankapak willakkunami llankay ushanka.

41 niki: Alliyachak pakakuyta katina Hayñi

Confidencialidad

Willanakuypak ruraykunata llankak runaka, chaypi llankakushpa, mana payman pakakuykunata willashkata shukkunaman willay ushanchu.

Mana chaskishka willayta hapishpaka mana kamachiypi chanita charinkachu; chaymanta shuktak runakunata llakichikpika, mana chaskishka willayta hapishka runapi huchaka urmankami, shinami paymi tukuy llakichishkata allichina kanka.

 

40 niki: Tarishka willayta pakalla charina hayñi

Protección para los comunicadores

Tukuyllapak mutsurishka willayta kuk runaka, willayta kushka runamanta mana shuktakkunaman willana ushanchu. Willashpaka kipaman huchayuk tukuy ushankami.

Mana chaskishpa willayta kushka runamanta shuktakkunaman willashpaka mana kamachiypi chanita charinkachu; willayta kushka runata llakichikpika, mana chaskishpa willayta kushka runapi huchaka urmanka, paymi llakichishkata allichina kanka.

 

39 niki: Alli shunkupak yapayuyay Hayñi

Independencia

Alli shunkupak yapayuyayka willakkunapa hayñimi kan, kaywanka paykunapak kikinyashka, paykunapak llankaytapash kamanmi. Willakkunaka allí shunkupa yapayuyayta hapiy ushanka, kaywanka mana wanachiy ushankachu mana kaykunata rurankapak munakpika:

  1. Willay ukupak alli shunku kamachiypi nishkata, willaypa alli shunkupa kamachiykunapi nishkakunatapash mana paktachishpa llankaykunata, ruraykatichiykunatapash rurana;
  2. Willay ukupak alli shunku kamachiypi nishkata, willaypa alli shunkupa kamachiykunapi nishkakunatapash mana paktachishpa, pushak killkashkata shuktakman tikrashka chaskina.

Willakkunaka alli shunku yapayuyayta hapishpa, mana paykunapak llankaymanta llukchiy ushankachu. Willakkunaka mana willay ukuwan pakta kashpaka, chay willay ukuwanllata tukuykunaman chay mana allimanta willay ushankami.