Mamallaktapi ruraypak Hayñi

103 niki: Takikunata willanamanta

Talento Nacional

 Taki ruraykatichiykunata rurak uyanaantakunaka, paykunapak ruraykatichiykunapi 50% Ecuador mamallaktapak takikunata yallichina kanka, shinallata rurakpa hayñikunata kamachiypi willashkakunata paktachishpa kullkita kuna kana. Shuktak ruraykatichiykkunata rurak uyanaantakunaka mana kayta paktachina kanchu. 29 puncha, wayru killa, 2014 watapi, Registro Oficial 364 nishkapi llukchishka Reglamento General de la LOC kamachiypi, 75 niki nishkashina.

75 niki: 50% Ecuador mamallaktapi rurashka takikunata, tukuy taki ruraykatichiykunapi churana kanka, kati kati, mana kashpaka shuktak shuktak churashpa, mana kashpaka shukniki shuktak mamallaktakunapa takikunata churashpa ishkaynikika Ecuador mamallaktapak takikunata churashpa.

Ecuador mamallaktapi rurashka takikunata yallichinaka, tukuykuna riksishka takikkunata, shinallatak mushuk takikkunatapash pakta yallichina kanka.

102 niki: mamallakta rurayta, kikinyashka mamallakta ruraytapash shinchiyachiy

Produción independiente

 Ecuador mamallaktapi yallikuk ruraykatichiykuna charik paskashka rikunantakuna, killkakamachishka uyana, shuyukuyuri llikakunapash, watan watan hayñikunata charinka, shinallatak kikinyashka Ecuador mamallaktapak ishkay suni shuyukuyurikunata yallichina kanka.

Chay rikunantaka pichka patsak waranka ashtawan yalli runakuna rikuk tiyakpika, ishkay shuyukuyurikunata willashpa shuk sumak punchata rikuchina kanka, shinallatak yallichinkapak hayñikunata ñawpashpa charina kanka.Yallichinkapak hayñikunata charinkapak paskashka willay rikunantakunaka, killkakamachishka uyana, shuyukuyuri llikakunapash 2% paykunapak watapi yaykushka kullkita kuna kan.

Willay ukupak rikuk runakuna pichka patsak waranka yalli kashpaka, willay ukuka 5% wata yaykushka kullkita kuna kan. Uyana, shuyukuyuriy llikakunapash, yallichinkapak hayñita charinkapak, Ecuador mamallaktapi yallishka paykunapak ruraykatichiypi shuktak ukukuna paykuna hatunamanta chaypi yallichun kullkita kushkamanta kullkita kuna kanka. Mamallaktapak willay ukkukunaka, paykunapak watapa kullkita charishkamanta kullkita kuna kanka.

Mamallaktapak rurashkakuna yallichinkapak mana paktashpaka, Iberoaméricamanta rurashkakunatami yallichiy ushanka, kay suyu mamallaktakuna makipurarishpa yanapana kan nishka kamachiyp paktachishpa.

Willay rikunantakuna mana kay kamachiypi nishkashina kakpika, mana Ecuador mamallaktapak willay ukukuna kanchu nishkakunapakka kikinyashka Ecuador mamallaktapak rurayka shuyukuyurikunata ruranaka tukuy tiyakkunawan yanapankami.

101 niki; Kikinyashka Ecuador mamallaktapak rurakkuna

Productores independientes

Kikinyashka Ecuador mamallaktapak rurakka, mana llankachikwan ayllu kanchu, shinallatak mana willay ukuwan riksipurachu kan, mana mashipurariy mintalay tiyanchu. Mashipurariy mintalay tiyashpaka kashnashinami kanka:

  1. Kikinyashka Ecuador mamallaktapak rurak, shinallatak willay ukuka ishkanti kullkitantaypi llankakukkuna kanka.
  2. Willay ukupak, rurak ukupakpash shuklla runa 6% ashtawan yalli chay ukukunapa kullkita charik runa kanka.

Kikinyashka Ecuador mamallaktapak rurak, willay ukupak pushakkunawan ayllupura kashkakpi mashipurariy mintalay tiyanka. Shuktak mamallaktakunapa kullkiwan rurak ukukuna, mana kashpaka shuktak mamallaktakunapa ukukunawan llankak ukukunapash, mana kikinyashka Ecuador mamallaktapak rurakkuna kankachu.

100 niki: Ecuador mamallaktapak rurashka

Producción nacional

Ecuador mamallaktamanta runakuna rurashka, mana kashpaka shuktak mamallaktakunaman shamushka kay mamallaktapi ashtaka watakuna kawsashka runakuna 80% yalli shuyukuyurita rurashka kakpika, Ecuador mamallaktapak rurashkapi churanka.

99 niki: Ecuador mamallaktapak rurashka yallichinkapak ninakushka

Equidad

Shuklla rurakka mana shuklla willay rikunantapak pachata ninakushta 25% ashtawan yalli chariy ushankachu.

98 niki: Ecuador mamallaktapak hatuy shuyukuyurikkunapa rurana

Publicidad nacional

Willay ukukunapi yallichishka hatuy shuyukuyurikkunaka Ecuador mamallaktapak runakunami rurana kan, paykunami Ecuador mamallaktamanta kana kan, mana kashpaka Ecuador mamallaktapi ashtaka watakuna kawakkunami kana kan, shinallatak chay hatuy shuyukuyurita rurashka runakunaka 80% ashtawan yalli Ecuador mamallaktamantami kana kan, mana kashpaka Ecuador mamallaktapi ashtaka watakuna kawsakkunami kana kan. Shinallatak kay yupaykkunata rikushka llankakkunata charinatapash rikuna kan.

Shuktak mamallaktakunapa ukkukuna rurashka hatuy shuyukuyurikuna, shukta mamallaktakunapi rurashka hatuy shuyukuyurikunapash mana yallichina kanchu. Kay kamachiyta paktachinkapak, hatuy shuyukuyurikunaka kaykunami kan: rikunantapa hatuy shuyukuyurikuna, shuyukuyuk ukupak hatuy shuyukuyurikunapash, uyanantapa hatuy rurashkakunapash, shuyukuyurikunapash, shuktak hatuy shuyukuyurikunapash.

Kay nishkakunata mana paktachishka hatuy shuyukuyurikunata mana yallichinachu kan, mana kashpaka chay paktachishka hatuy shuyukuyurikunata yallichishkamanta, yallichipaychiklla nishka runata, chay hatuy shuyukuyurimanta 50% kullkita kuna kanka.

Shuyukuyurikuna kashpaka, chayka yallichishka ukuta wanachinka. Kay nishkapi, runakuna hayñikunamanta, kasikaymantapash, alli shunkumantapash, sumak kawsaymantapash hatuy shuyukuyurikunata rurashakakunaka mana paktachina kachu.

 

97 niki: Ecuador mamallaktapak shuyukuyuriy ruranapak uku

Producción nacional

Willay shuyukuyriy ukukunaka, mamallaktapilla yallikkuna, tukuy runakunapa 60% paykunapak rurayatichiykunapa pachakunata Ecuador mamallaktapak rurakkunata rurachun sakina kan. Kay Ecuador mamallaktapi rurashkakunaka 10% kikinyashka Ecuador mamallaktapi rurashkakunata charina kan, willay ukupak yallishka shuyukuyurikunata rikushpa.

Ecuador mamallaktapi rurashkakuna mana tukuykunapa pachakunapi yallichiy ushashpaka, willay ukukunapa paktachina pachakunapi churashka kanka. Ecuador mamallaktapak rurashkata yallichinapa, kikinyashka Ecuador mamallaktapak rurashkata yallichinapapash yupay pachakunaka hatuy shuyukuyurikunata yallichina pachakunataka mana hapinkachu. Kikinyashka Ecuador mamallaktapak rurashkapa yallichina pachakunaka, shuyukuyuk ukupak, Ecuador mamallaktapak shuyukuyuk rurashkapa pushak chaskishka rurashkakunawan paktachinkami. willay shuyukuyriy ukukunaka, mamallaktapilla yallikkuna, tukuy runakunapa 60% paykunapak rurayatichiykunapa pachakunata Ecuador mamallaktapak rurakkunata rurachun sakina kan.

Kay Ecuador mamallaktapi rurashkakunaka 10% kikinyashka Ecuador mamallaktapi rurshakakunata charina kan, willay ukupak yallishka shuyukuyurikunata rikushpa. Ecuador mamallaktapi rurashkakuna mana tukuykunapa pachakunapi yallichi ushashpaka, willay ukukunapa paktachina pachakunapi churashka kanka.

Ecuador mamallaktapak rurashkata yallichinapa, kikinyashka Ecuador mamallaktapak rurashkata yallichinapapash yupay pachakunaka hatuy shuyukuyurikunata yallichina pachakunataka mana hapinkachu. Kikinyashka Ecuador mamallaktapak rurashkapa yallichina pachakunaka, shuyukuyuk ukupak, Ecuador mamallaktapak shuyukuyuk rurashkapa pushak chaskishka rurashkakunawan paktachinkami.